කුමන ආකාරයේ පරීක්ෂාවකින් හෝ බරවා ආසාධිත බවට වාර්තා වූ දේශීය හෝ සංක්රමණික රෝගීන් සඳහා සතියක් ඇතුළත ප්රතිකාර ලබා දීම සිදු කරයි. මෙම ඖෂධ ලබා දෙන්නේ රෝගියාගේ ශරීර ස්කන්ධයට අනුවය. මෙම රෝගීන් නිසි පරිදි ඖෂධ ලබා ගන්නේද යන වග සහ ප්රතිකාර වලින් පසු ක්ෂුද්ර පණුවන් රුධිරයෙන් සම්පූර්ණයෙන් ඉවත් වී ඇතිද යන වග සොයා බැලීම සඳහා පසු විපරම් සිදු කරනු ලැබේ. ශ්රී ලංකාවේ දැනට බරවා ආසාදනය සඳහා ප්රතිකාර ලබා දීමට යොදා ගන්නේ ඩයි ඊතයිල් කාබමසින් සිට්රේට් සහ ඇල්බෙන්ඩසෝල් නමැති ඖෂධ වර්ග දෙකයි
රෝගය සම්ප්රේෂණය වීම තව දුරටත් වැලැක්වීම සඳහා, පිළිගත් ආකෘතියකට අනුව රෝගියාගේ වාසස්ථානය කේන්ද්‍ර කොටගත් වපසරියක හෝ ආවේක්ෂන වලින් ලැබෙන තොරතුරු අනුව තීරණය කරගත් වපසරියක ප්රජාවට එක් දින ප්රතිකාරය ලබා දීම සිදු කෙරේ.
